Ang Southern Leyte Electric Cooperative kon SOLECO nagpahibalo sa tanang mga Tag-iyang Myembro Konsumedores nga ang Taripa sa Kuryente sa bulan sa Hunyo 2025 adunay pag-ubos ngadto sa P12.4595 kada kWhr nga konsumo kompara sa taripa sa buwan sa Mayo nga anaa sa P13.4374 kada kWhr nga konsumo.

Ang hinungdan sa pag-ubos sa taripa sa kuryente sa bulan sa Hunyo 2025 mao ang pag-ubos sa Government Charges, Other Charges ug Power Cost nga naglangkob sa Generation Charge ug Transmission Charge tungod sa pag-ubos sa presyo sa kuryente sa Generation sa Wholesale Electricity Spot Market kon WESM.

Ang kooperatiba inubanan sa Hunta Direktiba ug Tagdumala, nagpadayon sa pagpasabot sa mga Member Consumer Owners sa kanunay magdaginot sa paggamit sa kuryente aron makalikay sa taas nga balayranan sa kuryente. 

Aron sa hapsay ug walay hasul nga pagbayad sa billl sa kuryente, giawhag usab SOLECO sa pagbayad online pinaagi sa Paymaya, GCash ug uban pang accredited EC Pay payment center.

Alang sa dugang impormasyon, bisitaha ang opisyal nga website sa 𝗦𝗢𝗟𝗘𝗖𝗢 (www.soleco.com.ph/)