Nagpadala og hinabang ang buhatan ni Senator Christopher Lawrence “Bong” Go alang sa mga residente sa Padre Burgos, Southern Leyte, nga apektado sa linog, niaging Hunyo 9, ning tuiga.

Kauban sa relief operation ang opisina ni Vice Mayor Freiche Poblete, diin ang Malasakit Team nanghatag og snacks, mga sinina, kalo, og bola nga pang-basket ug volleyball ngadto sa mga benepisyaryo.

Gawas sa mga basic relief items, ang mga kwalipikadong benepisyaryo usab nakadawat og post-disaster shelter assistance nga gihatag sa nasyonal nga gobyerno pinaagi sa mga programa sa senador.

Isip Chairperson sa Senate Committee on Health, gi-awhag ni Sen. Go ang mga katawhan nga kung adunay panginahanglan og tabang medikal, mahimo silang moduol sa Malasakit Center nga nahimutang sa Salvacion Oppus Yniguez Memorial Provincial Hospital sa dakbayan sa Maasin.