Hingpit nga gipaniguro sa lokal nga kagamhanan sa Padre Burgos nga maandam ang mga katawhan sa mga katalagman, ilabi na karong panahon sa Habagat, sanglit usa ka simulation exercise kon SIMEX ang gipangunahan sa Municipal Disaster Risk Reduction and Management Office (MDRRMO), katambayayong ang Community and Family Services International (CFSI).

Matud pa sa report sa MDRRMO pinaagi ni sir Bobby Mangalo, usa ka simex alang sa bagyo ug storm surge, lakip na ang evacuation drill ang gipahigayon sa brgy Buenavista og Lungsodaan.

Lakip sa nisalmot sa kalihukan mao ang mga sakop sa barangay disaster risk reduction and management council kon BDRRMC og mga boluntaryo sa komunidad nga atkibong mipakita sa ilang kahibalo.

Tumong sa activity matud pa, mao ang pagpalambo sa kahibalo og kapasidad sa mga barangay sa pag-atubang sa mga posibleng katalagman sama sa bagyo ug pagsaka sa dagat, nga kasagaran masinati sa lungsd sa mga panahong adunay dautan nga panahon.

Gisusi ug gitan-aw ang epektibo nga pagpahigayon sa maong mga drill sa giya og tabang sa Municipal Social Welfare and Development Office (MSWDO), MDRRMO, ug Bureau of Fire Protection (BFP) aron masiguro ang kahingpitan sa plano ug kaluwasan sa komunidad.

(With reports from: MDRRMO Padre Burgos)