Mubalor sa kapin 1.3 milyon pesos ang kinatibuk-ang nadawat sa mga asosasyon sa kababayen-an sa dakbayan sa Maasin, isip tabang sa ilang panginabuhian sa inadlaw-adlaw.

Matud pa kang City Mayor Nacional Mercado, upat ka mga Women’s Association ang nahimong benepisyaryo sa ayudang-pinansyal gikan sa Department of Social Welfare and Development kon DSWD, sa inisyatibo ug suporta ni Senator Pia Cayetano.

Lakip sa mga benepisyaryo mao ang Gawisan (P360K); Cabulihan (P450K); ug Tam-is Women’s Association (P165K) para sa ilang programang egg production, samtang ang Cansirong Women’s Association nakadawat og 345,000 pesos alang sa ilang Freeze Dried Fruits and Vegetables nga panginabuhian.

Gawas sa mga asosasyon, aduna sab duha ka mga Persons Deprived of Liberty kon PDL ang nakadawat og hinabang sa gobyerno.

Mismong si mayor Mercado ug CSWD Officer Jhade Bestudio ang nagtunol sa cheke sa mga hingtungdan.