Nahagbong na sa kamot sa mga otoridad ang usa ka gikatahong carnapper kansang gikonsidera sa kapulisan isip top 3 Most Wanted Person (Component City level) human ang malampusong operasyon sa mga personahe sa Maasin City Police Station.

Giila ang suspek nga usa ka alyas “Dado,” 53 anyos ang panuigon, walay asawa, ug residente sa brgy Tigbawan, Maasin City.

Base sa taho sa kapulisan, si Dado nasikop niadtong Myerkules, Nobyembre 20, pasado alas 12:14 sa udto sa brgy Combado, pinaagi sa Warrant of Arrest nga gi-isyu sa Regional Trial Court, 8th Judicial Region, Branch 18 sa Hilongos, Leyte.

Mubalor sa 200,000 pesos ang girekomendang kantidad para pyansa sa akusado.

Dali kining gidala sa kustodiya sa kapulisan alang sa hustong dokumentasyon ug tukmang disposisyon.