Miabot na sa 36,085 ka mga pamilya gikan sa 261 ka barangay ang direktang naapektuhan sa paghapak sa Super Typhoon Pepito sa Rehiyon 8 base sa pinakauwahing report sa DSWD Eastern Visayas.

Ang mga apektadong lugar nakasinati og pagbaha, kusog nga hangin, ug kadaot sa mga balay ug panginabuhian sa mga residente.

Agig tubag, andam ang ahensya sa pag-apod-apod dayon sa mga hinabang, lakip ang 101,298 ka family food packs ug 36,470 ka non-food items sama sa hygiene kits, habol, ug uban pang nag-unang panginahanglanon.

Kini nga mga pundo ug mga suplay gigahin aron masiguro nga adunay igong suporta nga gihatag sa mga nanginahanglan, labi na kadtong temporaryo nga naa sa mga evacuation center.

Ang DSWD padayon nga nakigkomunikar sa mga lokal nga kagamhanan aron masiguro ang saktong pag-apod-apod sa mga hinabang. Sa pagkakaron gimonitor usab sa ahensya ang kahimtang sa mga apektadong lugar aron matubag dayon ang bisan unsang dugang nga panginahanglanon