Kapin sa 300 ka mga residente ang nakabenepisyo sa gipahigayong health caravan nga gipangunahan sa Philippine Red Cross – Southern Leyte Chapter katambayayong ang Lifebank Foundation kagahapong adlawa, Nobyembre 18, 2024, sa brgy Abgao Gymnasium, sa dakbayan sa Maasin.

Matud pa ni PRC Chapter Administrator Jonas Maco, nagkadaiyang klase sa serbisyo ang gitanyag sa ilang opisina, sama sa libreng consulta sa mga masakiton, ug paghatag ug mga tambal.

Kapim sa 60 ka mga bata ang libreng na check-up sa mga doktor sa City Health Unit, SOYMPH ug mga nurse sa Bureau of Fire Protection kon BFP.

Aduna sab gihimong libreng blood typing sa mga wala masayod sa ilang mga blood type.

Aron dili sab magutman ang mga residenteng naghuwat, nanghatag sab sila ug hot meals sa tanang miduyog sa kalihukan.

Gawas sa libreng konsulta, tambal ug blood typing, nagpahigayon sab ang PRC ug halapad nga lecture o Demo sa Basic First Aid ug Basic Life Support CPR.

Dako ang pasalamat ni Maco sa iyang team, mga partner stakeholders, ingon man sa PRC National Headquarters sa way kukaluyang suporta aron magmalampuson ang naasoyng kalihukan.