Napuno sa bagang duot sa mga debotong Katoliko ug pilgrims ang simbahan sa Maasin Cathedral-National Shrine of our Lady of the Assumption human mainitong gidangop ang pagbisita sa imahe sa ‘Ang Birhen sa Lindogon.’

Nasayran nga adunay mga kalihukan nga gihimo ngadto pa lamang sa pantalan sa Hilongos, diin gi-welcome kini sa kadagkuang pari og opisyal sa simbahan sa lokalidad.

Aron sa hapsay ug sistematikong pamaagi, anaa sab ang presensya sa otoridad aron pagkontrola sa mga katawhan.

Kagahapon pasado alas 5:15 sa hapon, mismong si Most Reverend Bishop Precioso Cantillas ang nanguna sa Pontifical nga Misa.

Unang nasayran nga ang Birhen sa Lindogon, gikan sa Monasteryo sa Balaang Eukaristiya sa Simala, Sibonga, Cebu City.

Usa kini ka sikat nga dagsaon sa mga deboto, ilabi na sa mga masakiton ug adunay mga pangaliyupo.