Gatusan ka mga lokal nga residente sa lungsod Macrohon ang nakapahimos sa Libreng Theoretical Driving Course (TDC) nga gitanyag sa Land Transportation Office kon LTO Maasin District Office.

Matud pa ni LTO Maasin District Head Michelle May Sarausa, ang ilang opisina andam mupahigayon og libreng theoretical driving course sa kolaborasyon sa lokal nga kagamhanan.

Gipahigayon ang maong seminar sa Brgy Amparo, sa naasoyng lungsod.

Nasayran nga ang TDC workshop nakasentro sa komprehensibo nga pagpasabot sa mga balaod sa trapiko, kaluwasan sa dalan, ug responsable nga mga gawi sa pagmaneho.

Ang mga nakakumoleto sa duha ka session sa TDC nakadawat og TDC certificate, kansang dokumento maoy usa sa mga rekisitos sa pagkuha og driver’s license.