Mukabat sa 3,559 ka mga indibidwal gikan sa nagkadaiyang lungsod ug syudad ning lalawigan ang malampusong nisalmot sa cluster Barangay Congress on Disaster Risk Reduction climate change adaptation gunad sa buwan sa Oktubre hangtud karong buwana.
Matud pa sa taho sa provincial government of Southern Leyte nga facebook page, ang maong kalihukan gipangunahan sa PDRRMO diin nagtumong sa pagsiguro sa usa ka disaster-resilient nga komunidad.
Lakip sa mga nitambong mak ang mga brgy kapitan, DRRM Committee Chair, Chief Tanid, SK Chairman, Brgy Secretary, ug brgy Health Worker sa matag 500 barangay sa probinsya.
Usa sa mga gitudlo mao ang mga pamaagi unsaon pag minos sa negatibong epekto sa pagbag-o sa klima kon climate change.
Sa katapusan, ang kada barangay nakadawat ug tagsa tagsa ka mga first aid kits.