Naugdaw ang duha ka balay sa brgy San Joaquin, Macrohon, Southern Leyte pasado alas 5:40 sa hapon niadtong adlawng Martes, Nobyembre 12, 2024.

Matud pa sa pakighinabi kang Fire Marshal Trini Leigh Calapre sa Bureau of Fire Protection kon BFP Macrohon, ang residential house gipanag-iya sa mag-tatay nga sila si Alberto Capistrano Sr. ug Alberto Capistrano III.

Sa inisyal nga imbestigasyon, dali nga nikuyanap ang sunog sanglit ang balay ginama lamang kasagaran sa light materials. 

Base sa pahayag sa biktima, gituohang ang hinungdan sa sunog mao ang paghaling luyo sa ilang balay tungod sa daghang lamok.

Girespondehan dayon sa mga kabumberohan ang gikatahong sunog human madawat ang report sa concerned citizen.

Hinuon, walay naangol o nakalas ang kinabuhi tungod sa maong panghitabo.

Sa inisyal nga assessment, anaa sa 160,000 pesos ang gibana-banang danyos sa insidente.