Wala makaipsot sa mga tinugyanan sa balaod ang tulo ka ilegalista dihang nadakpan kini sa gipahigayong buybust operation sa operatiba sa Provincial Intelligence Team-Southern Leyte, Regional Intelligence Unit 8, katambayayong ang mga personahe sa PDEA-8-SLPPO, PIU ug Maasin City Police Station niadtong Sabado, Oktubre 19, pasado alas 9 sa gabie.
Giila ang mga akusado nga sila si:
- Neri Tubo, 63 anyos, taga brgy Mambajao, ug gituohang maintainer;
- Manolo Orais, 53 anyos, mamaligya’g isda, residente sa brgy Mantahan (visitor) ug;
- Eden Redondo, 36 anyos, sales lady ug residente sa Sto Rosario (visitor).
Gikatahong ang mga dinakpan pasakaan ug kasong paglapas sa Section 5, 6, 7, 11, 12 ug 15 sa Article II sa RA 9165 kon Comprehensive Dangerous Drugs Act.
Sa pikas bahin, mutimbang sa 16.5 gramos sa gituohang shabu nga dili muminos sa P99 mil nga balor ang nasakmit gikan sa napuhag nga drug den nga miresulta sa pagkasikop sa mga naasoyng suspek.
Gawas sa droga, lakip sa mga nakuha sa mga suspek ang muti-color coin purse, buybust money, plastic sachets with traces, lighters, improvised scoop, burner, keypad cellphones, black wallet, rolled aluminum foil, IDs, sigarilyo, ug dahon sa lomboy.
Angayang masayran nga nag gamit ug body worn cameras ang mga tinugyanan sa Maasin CPS atol sa maong operasyon.