Yap, Mercado unang nagsumiter sa COC sa unang adlaw sa filing

MAASIN CITY – Sa unang adlaw sa filing sa Certificate of Candidacy (COC) karong adlawa, Oktubre 1, pasado alas 12:00 sa udto, nag unang nagsumiter sila Congressman Christopherson “Coco” Yap ug Governor Damian Mercado sa ilang tagsa-tagsa ka mga kandidatura.

Si Yap magpadayon sa pagdagan isip kongresista alang sa segundo distrito sa Southern Leyte, samtang si Mercado padayon sa iyang intensyon nga mudagan alang sa posisyon pagka-gobernador.

Ang duha ka nga kandidato parehong nagdagan ubos sa partidong Lakas-Christian Muslim Democrats (CMD).

Sa iyang pamahayag, gipadayag ni Yap nga padayon niyang suportahan ang mga proyekto alang sa kalambuan sa ikaduhang distrito.

Samtang si Mercado mipasalig nga iyang ipadayon ang iyang mga serbisyo publiko aron mapaayo ang mga programa ug proyekto sa probinsya.

Ang mga supporter sa duha ka opisyal nagpakita sa ilang suporta atol sa pag-file sa ilang mga COC sa Commission on Elections (COMELEC) office.