MAASIN CITY – Duha ka mga magbabalaod sa nasud ang mipadayag sa ilang suporta ug pasalig ngadto sa lokal nga kagamhanan sa Maasin ug sa katawhan niini, ilabi na sa pagpangita og pundo alang sa mga proyeko nga makapausbaw sa turismo ug ekonomiya sa syudad ug sa kinatibuk-ang probinsya sa Southern Leyte.
Si Senador Imee Marcos, kinsa kanunay mubisita sa dakbayan sa Maasin sa matag dagkong selebrasyon, misulti sa katawhan nga ang Southern Leyte duol sa iyang kasingkasing tungod sa pipila ka sentimental nga mga proyekto sa iyang amahan, si kanhi Presidente Ferdinand Marcos Sr., kinsa maoy miapruba sa labing una nga unibersidad, ang Southern Leyte State University (SLSU), nga karon aduna nay lima ka mga kampus, ug ang probinsyal nga ospital sa lalawigan.
“Masyado kayong malapit sa pamilya namin, panahon ng tatay ko and siyempre I love Leyte and Southern Leyte kay akon mama bisaya gihapon. Sana’y di kayo magsawa sa akin. Happy birthday Maasin City,” matod sa senador.
Gibutyag usab sa senador atol sa iyang pakigpulong nga kanunay ang iyang paglantaw sa kaayohan sa Southern Leyte pinaagi sa paghatag og ginagmay nga tabang sama sa 31-million pesos nga alokasyon alang sa Assistance to Individuals in Crisis Situation (AICS); 30 milyones nga Conditional Matching Grant to Provinces (CGMP); ingon man ang mga programa sa katilingban ug mga proyekto sa infra-tourism.
Samtang, si Las Piñas Congresswoman Camille Villar, kinsa mao usab ang guest of honor atol sa cityhood anniversary, niingon nga ang mga Maasinhons kanunay nga makasalig kaniya ug sa ilang pamilya sa bisan unsang matang sa tabang o tabang nga ilang mahatag alang sa komunidad.
“From the time of my papa, Senator Manny Villar, my mom Senator Cynthia Villar and my brother Mark Villar, we have always loved and supported the people of Maasin and we look forward to bringing more help. Lahat po ng tulong na maari naming ibigay, kasama po kami sa pag-unlad. Lahat ng programa, ka-partner po ang pamilya namin,” saysay sa kongresista.
Ang duha ka mga magbabalaod nipadayag sa ilang pasalamat sa kahigayonan nga gihatag kanila nga magselebrar uban sa katawhan sa Maasin sa ika-24 nga Charter Day nga pagsaulog niini.