Miresulta sa usa ka trahedya ang unta makalingaw nga pagpangaligo sa mga batan-on, human mapakyas ug ambak ang usa ka kinse anyos nga lalaki sa busay sa brgy Dao, Bontoc, Southern Leyte, niaging Dominggo, Hulyo 28, 2024.

Matud pa sa saysay sa iyang mga kauban, nikatkat ang biktima sa kahoy aron sa pagdive, apan naigo kini sa bato nga maoy hinungdan sa iyang pagkalumos ug dali nga kamatayon.

Base sa report sa PNP, ang biktima giila nga usa ka alyas “Ren”, 15 anyos, estudyante, ug residente sa brgy Talisay, Libagon, Southern Leyte.

Sa gikataho sa mga otoridad, dali pa nga gidala ang menor de edad nga biktima sa Sogod District Hospital alang sa madali-ang pagtambal apan gideklara kining dead on arrival.