Total kumpirmadong kaso sa Covid-19 sa Maasin City nilapas na sa 400

MAASIN CITY – Nibaot na sa 405 ang total nga kumpirmadong kaso ang narecord sa dakbayan sa Maasin human duna napoy 11 ka mga bag-ong kaso ang narecord niaging Abril 21 (Myerkules) sa atong Department of Health Eastern Visayas region.

Sa gipagawas nga press release sa mayor sa dakbayan sa Maasin nga si Mayor Nacional ‘Nikko’ Mercado, gipasabot sa opisyal nga sa 11 kabuok nadugang, 2 niini mga senior citizens, ug 3 ka mga menor de edad.

Sa atong nasayran nga ang senior citizens ug mga bata maoy pinaka vulnerable sa maong sakit.

Ang duha ka mga seniors residente sa brgy Asuncion, ug pulos silang duha nagpositibo sa rapid antigen testing. Hinuon ang senior nga baje wala ray gipamating sintomas related sa Covid.

Samtang, 3 pod sa mga bag-ong nagpositibo kagahapon pulos mga menor de edad. Ang usa, usa ka 17 anyos nga babae ug dunay gipamating sintomas, usa pod ka 16 anyos sa brgy Asuncion gihapon ang nagpositibo ug ang ikatulo ang 5 years old nga batang babae ug residente sa brgy Mantahan.

Hinuon kaluoy sa Ginoo, wala ray gipamating sintomas ang maong pinakabata nga bag-ong nagpositibo.

Sa pagka karon nisaka na sa 29 ang mga aktibong kaso sa Covid19 sa dakbayan, ug 370 na ang naka recover.

About Dahlia Orit 341 Articles
Your journalist/blogger from Maasin City

Be the first to comment

Leave a Reply

Your email address will not be published.


*