So. Leyte Congressman positibo karon sa Covid-19

congressman mercado

MAASIN CITY — Nagpositibo karon sa Corona virus disease kon Covid-19 si Southern Leyte District Representative Roger Oging Mercado.

Mao kini ang gipasabot sa mismong opisyal sa ijang official social media account kagahapong adlawa, Setyembre 5.

Matud pa sa post niini, ijang gi-awhag ang mga tao nga ijang nakasalamuha nga magbinantayon, likayan usa ang paglakaw-lakaw ug dili jud magpa-kumpyansa karong panahona.

Si Mercado, 70 anyos ang panuigon ug residente sa Purok Narra, brgy Abgao, Maasin City, nagpabiling asymptomatic, o walay gipamating sintomas sa pagka karon.

Matud pa sa anak niini nga si Mayor Nikko Mercado, nipailawm ang ijang amahan sa RT-PCR swabtest sa dakbayan sa Ormoc isip requirement para sa dental nga operasyon niini.

Kasamtangan na nga gi-isolate ang magbabalaod ug nagpadajon na pod ang contact tracing team sa pagsubay kinsa ang mga personal nga nakahimamat sa opisyal 5 ka adlaw gikan sa ijang pag-swab.

Gane, karong adlawa, gikatakdang e-swab ang direktang pamilya niini, lakip na si Mayor Nikko isip usa sa mga close contact.

Gikabalak-an karon sa ubang residente ang bag-ohay nga gipahigayong launching activity sa Ituloy ang Pagbabago Movement kon IPM sa gym sa dakbayan sa Maasin niadtong Agosto 29, usa ka semana ang nilabay, diin gitambungan kini mismo ni Cong Oging Mercado ug pipila ka mga mayores ug opisyal sa dakbayan ug probinsya.

Sa kinatibuk-an nga ihap, nakatala na ug 1,234 ang total confirmed cases sa syudad, diin 101 ang mga aktibo ug 35 na ang mga namatay.

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*