“SARA ALL” caravan ipahigayon sa dakbayan sa Maasin

Human nga malampusong gipahigayon ang Bong Go caravan niaging weekend, magpahigayon na usab ang mga Duterte Supporters ug Sara All caravan sa dakbayan sa Maasin ugmang adlawa, Nobyembre 10, agig paghatag ug supporta ug pag awhag ni Davao City Mayor Inday Sara Duterte-Carpio sa pagdagan ug mas taas nga posisyon sa nasud.sral

Mao kini atong nasayran sa official social media ni maam Helen Marte, usa sa miembro sa Orig Roa Clan Phil Inc., sa Maasin ug usa sa mga nag coordinate sa mga organizers sa maong activity.

Sumala pa nga gikan pa sa Mindanao, o sa Lipata port sa Surigao ang maong grupo ug mutabok kini sa Benit, San Ricardo sa Southern Leyte.

Dugang impormasyon nga una nilang ruta mao ang Nahulid, Libagon para mag overnight, ug gikatakdang sa alas 8 ugma sa buntag mubyahe paingon sa dakbayan sa Maasin, ang yutang natawahan ni Presidente Rodrigo Roa Duterte.

Nasayran sab nga maghuwat ang mga supporters ni Sara Duterte ugmang adlawa, alas 9 sa buntag sa brgy Asuncion, partikular sa daan nga Chapel sa brgy aron inig labay sa caravan, mu uban kini paingon sa Capitolyo para mag courtesy call kang Governor Damian Mercado ug mayor Nacional Nikko Mercado.

Gi-awhag ang mga supporters nga mag sul-ob ug color Green nga tshirt aron pagpakitag supporta kang Mayor Inday Sara.

Dugang pa ni Marte nga human sa courtesy call, largo na sila sa Baybay paingon na sa Tacloban ug ngadto sa Samar para mutabok paingon sa Luzon.

Ang Orig Roa Clan Phil., Inc., gipangunahan ni National President Arthuro Marte ug Maasin Chapter President Fa Roa-Carbonilla.

About Dahlia Orit 348 Articles
Your journalist/blogger from Maasin City

Be the first to comment

Leave a Reply

Your email address will not be published.


*