RHU P.Burgos offers free HIV counselling and testing during World Aids Day

Photo by: Keisha Elezze Batalon/ RHU Focal Person

Libreng HIV Counseling ug testing para sa mga Burgosanon ang gitanyag sa Rural Health Unit kon RHU, sa pagpanguna ni Municipal Health Officer Dr Fretzie Tomimbang, atol sa kasaulogan sa World Aids Day, nga adunay temang “ Ending the HIV Epidemic, Equitable Access, Everyone’s Voice”

Sumala pa sa tigpamaba sa RHU nga si Maam Keisha Elezze Batalon, ang World Aids Day saulogon sa unang adlaw sa Disyembre, apan kay na-timing man sab kini sa National Vaccination Days sa gobyerno maong kagahapon, Disyembre 2, nila gisaulog ang maong activity sa Mahaba Beach, Brgy Tangkaan, Padre Burgos.

Gawas sa libreng pagtambag ug testing, nanghatag usab contraceptives ug lubricants para sa mga kaigsuonang nagkinahanglan ug dugang proteksyon.

Gikalipay ni Batalon nga sa 10 ka mga nagpatest, pulos ra kini negatibo sa HIV.

Sa kinatibuk-an, nagmalampuson ang ilang gihimong activity diin nagkasinabot ang mga naki-jam nga magsuot ug color puwa o puti aron pagpakitag supporta sa World Aids Day.

Lakip sa nisalmot gihimong mubo nga programa mao si Padre Burgos Municipal Mayor Mayor Hermenigildo Culpa, Vice Mayor Freiche Poblete ug uban pang miembro sa konseho, Mr. Paulmart Joseph Sala, ang kanhing LGBT Padre Burgos Pride President ug Mr. Brian Gilles, ang finalist sa Tawag ng Tanghalan para sa World Aids Day Jamming session.

About Dahlia Orit 348 Articles
Your journalist/blogger from Maasin City

Be the first to comment

Leave a Reply

Your email address will not be published.


*