Programang “NACIONAL” gibida sa SOCA ni Maasin City Mayor Mercado

MAASIN CITY — Usa ka dakong garbo ni Maasin City Mayor Nacional Mercado ang mga proyekto, programa ug mga accomplishments ubos sa ijang ikaduhang termino isip amahan sa dakbayan sa Maasin. Mao kini ang gitagaan ug kabug-aton sa mayor sa ijang usa ka oras ug kapin nga State of the City Address kon SOCA.

Gipangbatbat sa mayor ang iyang nahimo diin gihimuan kini nija ug acronym ubos sa ijang pangalang “NACIONAL”.

N-Para sa Nutrition ug ubang Social services diin gisaysay niini ang mga pasidungog nga nakuha sa LGU sama sa award for low-level of stunting prevalence rate, Pabasa ng nutrition plaque of recognition, Dugong Bigay, Dugtong Buhay award ug uban pa.


A- para sa Agrikultura diin gitagaan ug kabug-aton sa mayor ang mga ekipo o farm machineries alang sa mga farmers association ingon man ilang pangunibuhian sama sa milk production, cacao processing, corn and cassava production ug uban pa.

C – commercial hub, diin gibida sa opisyal sa ekonomiya sa syudad. Para sa karong tuiga, bisan pa man anaa sa hagit sa pandemya, nakuha sa LGU ang actual nga target collectiion niini nga mukabat sa 83Million kompara sa 70Milyon nga projected target.

I – infrastructure diin ubay-ubay nga plano ang gi-asoy sa opisyal. Ubos sa programa imprastraktura, 23 ka mga local nga kalsada ang nakumpleto na, samtang 11 ang mga nagpadajon pa ang construction. Gisaysay usab nija ang mga major projects para sa sunod tuig. Una niini ang Maasin Ajonay residences, usa ka Housing project sa pakigtambayayong sa National Housing Authority kon NHA para sa mga Maasinhong anaa nagpuyo sa peligro o delikadong lugar sa kalamidad. Mukabat usab sa 153 milyon pesos ang pondo para sa Hantag-Laboon Farm to Market Road ubos sa programa sa Philippine Rural Development Project kon PRDP. Gawas niana, plano usab ni Mercado nga magtukod ug City (standard) Sports Complex, convention ug evacuation.

O – para sa Orderliness and Peace diin gibutyag sa mayor nga nagka-anam ug kaubos ang total crime incidents sa syudad tungod sa hiniusang pakitambayayong sa LGU ug kwerpo sa kapulisan. Nakadawat usab ang Maasin ug ADAC Award ug Lupong Tagapamayapa Incentive Award.

N – para sa Nurturing the Educational system and Environmental Protection. Gawas sa paghatag ug pagtagad sa mga kabataan ug estudyante pinaagi sa paghatag kanila ug school bags, USB ug uban pa, gitagaan usab kini sa opisyal ug mga gamit pang sports aron makamugna ug mga atleta ang syudad kaysa sa muadto sila sa bisyo. Gitagaan usab ug prayoridad sa lokal nga kagamhanan nga tagaan ug alokasyon ang mga magtutudlo sa mga bakuna kontra Covid-19 aron matagaan ug proteksyon ang ilang kaugalingon ug mga estudyante niini. Para sa environment, gisaysay sa opisyal ang pipila ka mga lakang nga gihimo sa LGU sama sa hollowblocks making, mga proyektong mag pahimulos sa mga plastics ug uban pang environmental control devices.

A para sa Active Governance – diin dakong kalipay sa mayor nga nahimo sijang Top 1 Outstanding mayor sa tibuok Eastern Visayas. Nakab-ot usab niini ang 99% overall score sa Seal of Good Local Governance kon SGLG Award ubos sa ijang pagdumala.

L – mao ang Livelihood diin dakong pasalamat sa mayor ngadto kang Sec Bebot Bello III sa mga programa ug ayuda nga gihatag niini sa Maasin sama sa DOLE sustainable livelihood, DOLE Tupad, Government Internship Program, LAG kon livelihood assistance grants pinaagi sa DSWD, ug Maasin City OFWs diin gikatahong maoy benepisyaryong nakadawat ug 500k.

Dakong pasalamat sa mayor sa tanang Maasinhons sa ilang supporta sa lokal nga gobyerno ug gipasalig niini nga aduna pay daghang kalambuan sa dakbayan ugaling buligan gihapon sa mga katawhan.

“The best is yet to come!” si Mercado nagkanayon sa katapusang parte sa ijang SOCA.

About Dahlia Orit 348 Articles
Your journalist/blogger from Maasin City

Be the first to comment

Leave a Reply

Your email address will not be published.


*