Philhealth nagduso og online payment sa mga employers ug individual, self-paying members

philhealth

MAASIN CITY — Aron paglikay sa face-to-face nga pag-atubangay sa mga transaction, nagmugna og online portal ang Philippine Health Insurance Corp. (Philhealth) aron adto na didto himoon ang contribution payment pinaagi usab sa pipila ka mga accredited nila nga mga partner banks.

Sa gihimong virtual press conference pagka Martes uban ang mga kadagkoan sa Philhealth sa rehiyon ug ang local media, si Henry Madula, collections in-charge, miingon nga mandatory sa tanang mga employers ang pagbayad diha sa online facility, ug mahimo gani nga anha ra sa smart phone kini buhaton.

Lakip sa mga partner banks nga mahimong i-access para sa online payment mao ang AUB, BDO, Chinabank, DBP Eastwest Bank, Land Bank, PNB, ug RCBC, sumala pa ni Madula, diin kining mga bangkoha ania dinhi sa ato.

Kadtong dili makatuman mahimong mangayo og extension aron mobayad over the counter pinaagi sa cash o manager’s check, ni Madula pa.

Samtang, sa samang kalambuan, ang mga individual, self paying members gidasig usab pag-gamit sa online payment, Matud ni Misael Paigan, Philhealth manager dinhi sa ato.

Giawhag niya ang mga self-employed sa pagbisita sa ilang opisina aron katabangan sila nga maka access alang sa online payment, nagkanayon si Philhealth Manager Paigan.

(Reports from: Marcelo Pedalino/PIA-Southern Leyte)

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*