Empleyado sa LGU-Maasin nakuryentehan, patay

Credits to the owner of the photo

MAASIN CITY – Patay ang usa ka 49-anyos nga lalaki, casual empleyado sa public market sa dakbayan sa Maasin, dihang gikatahong nakuryentehan samtang nanghinlo sa pampublikong merkado karong adlawa, Agosto 9, pasado alas 2:30 sa udto, sa brgy Combado ning dakbayan sa Maasin.

Ang biktima giila nga si Alexander Javier Fernandez, 49 anyos ang panuigon, minyo, ug residente sa brgy Badiang, Maasin City.

Sa pakighinabi kang Police Chief Master Sgt. Jimmy Ganosa, ang leader sa responding PNP personnel nga base sa ilang inisyal nga imbestigasyon, nasayran nga samtang nanghinlo ang biktima sa Public Market kauban ang ijang assitant supervisor nga si Mr. Angel Geraldo, nakasabod kini ug live wire nga niigo sa ijang ulo, hinungdan nga kini nakuryentehan.

Temporaryong adunay pagpawng sa kuryente ang nasinati sa maong apektadong lugar aron sa pagrecover sa lawas sa biktima.

Sumala pa, naka angkon si Fernandez ug grabeng mga paso sa ijang lawas ug namatikdang wala nay kinabuhi.

Sa pagka karon, ato pang gipanigkamutan nga mahinabi ang incharge sa SOLECO nga maoy personal nga nibisita sa site aron mahatagan ug klaripikasyon sa issue sa nagbitay ang wire.

Personal usab nga ni-inspeksyon ang mayor sa Maasin nga si Mayor Nacional Mercado sa incident site aron pakisayran ang maong nahitabo. Nagpaabot pod sa ijang pahasubo ang opisyal sa pamilya sa biktima.

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*