Maasin City aduna nay kumpirmadong kaso sa Delta variant

delta variant maasin city

MAASIN CITY — Opisyal nga gipahibalo sa Department of Health kon DOH Eastern Visayas, pinaagi ni maam Jelyn Malibago, ang opisyal nga tigpamaba sa buhatan, nga nakasulod na ang Delta variant sa Covid19 sa dakbayan sa Maasin.

Matud pa ni Malibago, nadawat nila ang report nga positibo sa maong variant ang duha ka indibidwal sa Maasin kagahapon sa udto.

Asoy pa sa opisyal nga as of kagahapon, naghuwat pa sila sa dugang detalye sa duha ka mga pasyente, apan gipanigurong mag-issue ug press release karong adlawa kung duna nay igong impormasyon.

Samtang, sa atong pakighinabi kang Dra Francilisa Tan, ang city health officer sa syudad, gikompirma niini nga ang mga pasyente dili mga returning residents o returning OFWs.

Sa pasiunang impormasyon, gikasubong gibalita sa opisyal nga “local case” ang duha ka mga bag-ong nagpositibo sa mas gikahadlokang variant, partikular sa brgy Ibarra ug brgy Canturing, apan gi-tagaag kabug-aton sa doctora nga kasamtangan na ni karong gideklarang fully recovered sa virus.

Dugang pa nija nga sa entiro quarantine period, adunay gipamating sintomas ang duha ka pasyente apan mild lamang kini.

Gipaklaro usab sa opisyal nga ang DOH region office lamang ang gitagaan ug katungod sa pagka karon nga magpadala ug samples sa Philippine Genome Center aron pagsuta kon positibo ba kini sa variant. Ang City Health Unit, kauban ang RHUs anaa lamang sa level sa pagkolekta sa swab samples nga ipasa sa region.

Nasayran usab nga magpadala ang rehiyon ug random samples for variant testing kung dunay clustering of cases ug paspas ang pagsaka sa kaso sa usa ka lugar.

Samtang, gipamahayag sa mayor sa Maasin nga si Mayor Nikko Mercado nga laumang magpagawas sija ug executive order sa possibleng pagpailawm sa granular lockdown ang ubang mga lugar sa syudad karong adlawa agig lakang sa LGU aron mapugngan ang pagdaghan sa kaso.

Padajon karong gipanawagan sa opisyal ang publiko nga magbinanatajon, likayan ang pagtapok2 labi na sapagselebrar sa birthdays, fiesta ug uban pa, ang pagkugi jud ug sunod sa Covid basic health protocols ug ang pagsanong sa pagpabakuna sa gobyerno.

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*