Lalaki nadakpan tungod sa illegal logging sa Macrohon, So. Leyte

Gisikop ang usa ka mga residente sa lungsod sa Macrohon tungod sa gikatahong nalambigit kini sa illegal nga pagpamutol ug kahoy, partikular ang kahoy nga giila sa lokalidad nga “Tipo”.

Giila ang suspek nga usa ka Charito Carigara Maratas, 48 anyos ang panuigon, ug residente sa brgy Ilihan, Macrohon, Southern Leyte.

Sa atong pakighinabi kang Police Senior Master Sgt Edwin Cortina, nakadawat ug kasayuran ang kapulisan gikan sa nagpailang concerned citizen niadtong unang adlaw sa Disyembre, ug dali kining gi-aksyonan sa mga otoridad ubos sa superbisyon ni Police Major Rolando Paloma, ang COP sa Macrohon MPS.

Dugang saysay ni PSMSgt Cortina, naatlan na nilang gihakot sa suspek ang mga kahoy sa kalsada. Sa dihang gipangayuan nila ug dokumento, wala kini gikapakitang papel.

Kasong paglapas sa Presidential Decree 705 o ang Forestry Reform Code of the Philippines ang atubangong kaso sa suspek.

Kasamtangan naka detain ang akusado sa Macrohon Municipal Police Station ug mubalor sa hapit 20,000 ang girekomendang pyansa para sa temporaryong kagawasan niini.

About Dahlia Orit 348 Articles
Your journalist/blogger from Maasin City

Be the first to comment

Leave a Reply

Your email address will not be published.


*