Gov. Mercado nag request sa regional IATF sa dugang lakang paglikay sa pagdaghan sa Covid19 sa So.Leyte

 

Adunay 3 ka mga importanteng hangjo ang atong gobernador nga si Governor Damian Mercado ngadto sa atong Regional Interagency Taskforce on Emerging Infectious Disease.

Sumala pa kang Mercado nga unang hangjo nija mao ang additional nga alokasyon sa mga bakuna kontra Covid19 para sa lalawigan. Wala na gi-specify sa opisyal kung unsa nga brand kay kung unsa ang available, maoy angayan ipanghatag sa katawhan. 

Ikaduhang hangjo mao ang dugang pwersa sa atong mga kapulisan para sa pagbantay sa mga checkpoint ug ingon man pagsiguro sa implentasyon sa health protocols ug ang pagsiguro sa peace and order sa mga kalungsuran. Nasayran nga dunay ubay-ubay nga pulis sa atong provincial office ang nataptan sa mao nga virus.

Ikatulo nga hangjo sa opisyal mao ang duha ka semanang suspension sa mga manguling residente sa Southern Leyte.

Kani nga mga hangjo maoy nakitang short-term solusyon sa atong opisyal, inubanan sa desisyon sa provincial IATF, nga wala nihunong ang mga otoridad sa paghatag ug kasolbaran sa pandemya nga gisagubang labi na kay medyo alarming ang sitwasyon kay nibalik napod ug daghan ang mga kaso.

Sumala pa ni PIA regional director, naghuwat na lamang ug approval ngadto sa nasyonal nga kagamhanan.  Dugang ni Tiu nga ang tanang hangjo sa mga gobernador sa mga probinsya sa Eastern Visayas, gi-aprubar sa regional IATF, lakip na ang mga nagkadaiyang quarantine status sa mga probinsya o lungsod, ug kani ila ng gipasa o transmit para sa national IATF approval.

Inkaso ug duna nay pagtugot sa labaw, magpakanaog dayun ang mga opisyales ug mando o executive order para masabtan sa publiko.

Si Governor Mercado nagmalaumon nga aprubahan sa IATF ang ijang mga request kay sijan nituo nga ang local government unit o LGU dunay gahom para maka-desisyon kay sila mismo ang nakakita og mas nakahibaw sa sitwasyon sa ilang respective nga lugar. 

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*