Former Defense Chief Gibo Teodoro nibisita sa dakbayan sa Maasin

MAASIN CITY – Personal nga mibisita sa dakbayan sa Maasin si kanhing Defense Secretary Gilberto Gibo Teodoro Jr. atol sa adlawng natawhan ni So. Leyte Governor Damian Mercado niaging Nobyembre 24, adlawng Myerkules.

Si Gibo, kinsa higala ni Mercado, maoy usa sa gipasidunggan bisita sa Mercado’s residence sa brgy Dongon, Maasin City.

Sumala pa ni Gibo nga bisan pa man ug unsay dangatan sa ijang pagdagan sa pulitika, mubalik jud gihapon sija sa Southern Leyte sunod tuig para gihapon maki-celebrate sa birthday ni Governor Damian Mercado.

Gikasayran nga ming file sa ijang kandidatura isip Senador si Teodoro niaging Oktubre 7 ubos sa partidong People’s Reform Party kon (PRP) ni kanhing senador Miriam Defensor Santiago.

Sa pakighinabi sa lokal media sa opisyal, kini mipasalig nga musuporta ug usa sa mubatbat aron matagaan ug igong pondo ang Southern Leyte ugaling aduna na kini sa Senado.

Gawas ni kanhing Presidentiable bet Teodoro, nidujog usab sa selebrasyon si Smile partylist representative Anthony Lim, DPWH Secretary Roger Oging Mercado, ug ang mga mayores sa kada lungsod sa lalawigan ug ang 70 ka mga barangay kapitan sa dakbayan.

Pasado 1PM, nibalik rapod dayun sa Manila si Secretary Mercado, kauban sila si senatorial aspirant Gibo Teodoro ug Smile partylist Anthony Lim para sa ilang dugang pang buhatunon sa kaulohan.

About Dahlia Orit 348 Articles
Your journalist/blogger from Maasin City

Be the first to comment

Leave a Reply

Your email address will not be published.


*