DEPED Maasin City Division andam sa face-to-face nga klase

Gipangandaman sa Deped Maasin City ug ingon man sa tanang schools division sa Eastern Visayas ang pag-arangkada alang sa posibilidad sa pagbalik sa eskwelahan diin ang mga magtutudlo anha na mag leksyon sa classroom, kana kon ugaling imando na ni Presidente Duterte.

Si Ma. Gemma Ledesma, regional director sa Department of Education, sa walay duha-duha mitubag “I believe so” sa pangutana kon 100 percent ready na ba ang Deped pagbalik sa klase diha sa classroom.

Matud niya nga tanang eskwelahan pulos gipang hinloan na, gihumpid ang mga lingkuranan sa nilagyo pagtuman sa social distancing, ug naa nay hunawanan sa kamot ang gipahiluna.

Ang mga tunghaan nga gihimong quarantine, isolation units gipang disinfect na, dugang pa niya.

Si Ledesma, kuyog sa iyang assistant regional director nga si Beniano Sentillas, nahiduaw sa Maasin City Schools Division dili pa lang dugay pagsusi unsay matabang teknikal sa regional office. 

Kalabot niini, si Josilyn Solana, ang city Deped schools superintendent, miingon radio-based instruction ang ilang gipangita nga technical support gikan sa rehiyon. Mahitungod sa kaandam pagbalik sa face to face classes, gibutyag sa opisyal nga nga andam na sab ang city division. 

Niya pa nga sa 18 ka mga tunghaanan nga gigamit ingon nga quarantine ug isolation facilities, usa na lang ang nagpabilin, ang Maasin City Central School, ug kadtong mga wa na gamita pulos na nahuman gi-disinfect. (PIA/Bandilyo)

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*