BISAYA: 3 ka mga piniriso sa Southern Leyte nagpositibo sa Covid-19

MAASIN CITY – Muabot na sa 3 ka mga piniriso ang nataptan karon sa coronavirus disease kon Covid-19. Kini atong nasayran kang Police Col Mark Nalda, ang hepe sa kapulisan sa dakbayan sa Maasin.

Sumala kang Nalda, anaa sa 7 ka mga inmates ang nakadetained sa Maasin Lock Up facility sa wala pa nagpositibo ang pipila ka mga personahe sa kapulisan, apan sa pito, 6 ra niiini ang napailawm sa swab test.

Ang usa ka piniriso wala na apil sa swab kay gidala kini sa SOYMPH hospital sa Dongon, ning dakbayan ug na confine sa mao nga hospital tungod sa sakit nga hypokalemia o pag-ubos sa potassium.

After nakagawas sa hospital, wala na kini gibalik sa Maasin City facility, kay mao na tong panahona nga nigawas ang resulta nga dunay pipila ka mga pulis ang nagpositive, ug sa atong nasayran, gibalhin ang maong piniriso ngadto sa Padre Burgos Police Station nga lock up facility.

Sa 6 ka mga gi swab nga inmates sa dakbayan, 2 niini ang nagpositibo sa virus. Kini sila si patient EV 5786 ug si patient EV 5773. Pulos mga asymptomatic o wlay sintomas nga gimanifest.

Sa atong gipangutana sa opisyal kung asa nila gibutang ang mga nag positive nga piniriso, sumala pa sa opisyal nga sa ilang lock up facility dunay duha ka kwarto, supposedly pam babae ug panlalaki, so sa pagka karon, ang 2 ka nagpositibo gibalhin sa selda sa pambabae samtang ang mga nahibiling inmates nga negatibo stay put sa ilang selda.

Temporaryo lamang kini kay sumala pa ni Nalda nga nag request sija sa SLPPO nga kampo ug sa LGU Maasin nga ibalhin jud ang mga inmates sa lain nga holding facility, pero sa pagka karon, nangita pa ang LGU ug lugar.

As of now, gibantayan gihapon ang mga piniriso sa  atong kwerpo sa kapulisan, pero ang nagbantay kadtong mga pulis nga cleared sa virus.

Wala pay gitugutan nga mga kapamilya nga mubisita sa mga piniriso, ug kun ugaling dunay pagkaon ihatod sa kapamilya, ibutang lamang kini sa lamesa ug dunay mukuha niini para ihatag sa mao nga inmate.

Kalabot sa usa ka piniriso nga gibalhin sa Burgos, atong nasuta nga nagpositibo pod kini sa virus niaging adlaw.

Ug niana, dunay panawagan atong Padre Burgos municipal health office sa publiko nga kun kinsa tong naka close contact sa atong mga PNP o nibisita sa Padre Burgos Custodial Facility sugod Oktubre 17 hangtod Oktubre 20 sa pag submit sa ilang ngalan sa mga health officials ug palihug sa pag Home Quarantine.

Asoy pa ni Keisha Elezze Batalon, ang focal person sa RHU Padre Burgos, ikatakdang i-schedule for swabbing ang ilang kwerpo sa kapulisan ugmang adlawa, Oktubre 23, para sa safety napod sa lungsod.

Sa mga simbakong dunay bation nga mga covid-like symptoms sama sa ubo, sip-on, hilanat o pag-harahat sa tutunlan, palihug sa pag contact sa injong barangay for proper management.

Nanghinaot ang mga health officials sa kinatibuk-ang koooperasyon sa katawhan.

About Dahlia Orit 348 Articles
Your journalist/blogger from Maasin City

Be the first to comment

Leave a Reply

Your email address will not be published.


*