Bakunang Pfizer gikatakdang muabot sa dakbayan sa Maasin karong semanaha

MAASIN CITY — Laumang aduna nay Pfizer nga bakuna ang muabot sa probinsya sa Southern Leyte partikular sa dakbayan sa Maasin karong semanaha matud pa ni maam Letecia Tan, ang Department of Health kon DOH representative sa probinsya.

Mao kini ang gikumpirma sa opisyal sa media niaging adlaw diin nagpahigayon kini ug simulation exercise kon simex kauban ang mga personahe sa City Health Unit o CHU sa Maasin City gymnasium.

Samtang, sa susamang kalambuan, gikopirma ni Maam Yasmin Napoles, ang Covid Vaccine Coordinator sa syudad nga anaa sa 195 vials kon 1170 doses nga Pfizer para sa first dose ang muabot sa dakbayan.

Kini para sa mga A1 (healthcare workers, ilang pamilya, or OFWs nga tali larga); A2 – senior citizens; ug A3 – para sa mga persons with comorbidities. Gitugot usab ang A4 apan kadto lamang apil sa quick substitute list or kadtong nakada ug senior citizens.

Giklaro sa opisyal nga kadtong anaa na apil sa prelisted ang ilang bakunahan ug striktong wala gitugot ang walk ins tungod sa limitadong ihap sa maong bakuna.

Para masiguro ang pagkotrolar sa mga mudagsa nga mga tao, anaa ang presensya sa PNP aron masiguro ang kahapsay sa pagpangbakuna.

About Dahlia Orit 325 Articles
Your journalist/blogger from Maasin City

Be the first to comment

Leave a Reply

Your email address will not be published.


*